Glúmur: „Aldrei unnið fyrir mann sem hefur haft minni áhuga á launafólki og að greiða því laun“

Glúmur Baldvinsson lætur sinn gamla ritstjóra, Gunnar Smára Egilsson, heyra það í kjarnyrtri færslu á Facebook-síðu sinni:

„Gunnar Smári er nú maður láglaunafólksins. Það er nýlunda.“

Bætir við:

„Það er ekki sami gamli ritstjóri minn Gunnar Smári sem fannst allt ókei að borga mér og blaðamönnum kollegum mínum ekki laun. Aldrei hef èg unnið fyrir mann sem hefur haft minni áhuga á launafólki og hvað þá að greiða því laun.“

Glúmur bendir á framrás tímans í sambandi við meint umskipti Gunnars Smára:

„En þetta var fyrir 30 árum. Núna er hann annar maður. Frelsarinn endurfæddur! Því sannlega segi ég yður: Guð blessi sérhvert yðar sem trúir á hann. Hann mun lækna og leiða blinda og halta um dimma dali hinna villuráfandi og auðtrúa.“