- Auglýsing -
Glúmur Baldvinsson var eðlilega – eins og flestallir Íslendingar – óánægður með tap Íslands gegn Svíum á HM í handbolta.
Þar fór margt úrskeiðis eins og sást – en Glúmur er með lausnirnar og deilir þeim með gleði:
„Tap gegn Svíum. Og hvað gerir ríkisstjórnin?“ spyr Glúmur og svarar svo sjálfum sér, eins og gott fólk gerir gjarnan:
„Nú þarf að skipa nefnd sem mun einblína á kynbætur með það að markmiði að hækka Íslendinga og lengja. Búa til hávaxnar ríflega tveggja metra sleggjur. Nú þarf ríkisstjórnin að ákvarða eðlun og mökun. Og pörun. Sumsè ákveða hver sefur hjá hverjum. Ekkert fyllerískaos lengur niðrí bæ. Áfram Ísland.“