„Nú hef ég mætt í kappræður í sjónvarpi og útvarpi tvo daga í röð. Svo óheppilega vildi til að í bæði skiptin mætti ég allsgáður og edrú. Það hefði ég aldrei átt að gera því leiðinlegri þætti hef ég aldrei áður þurft að standa af mér. Ráðlegg ég engum nýliða í stjórnmálum að ganga í gegnum slíkt ófullur. En hvað um það. Það var merkilegt að hitta þetta fólk í græna salnum og í sminkinu,“ segir Glúmur um nýja reynslu sína af framboðsma´lum, og bætir við:
„Það fólk sem tók mér best var Inga Sæland og svo voru mér viðkunnanleg minn góði skólabróðir og kunningi Bjarni Ben og svo kom mér á óvart hvað Logi var viðkunnanlegur. Þorgerður tók mér með kulda og Sunna þessi virti mig ekki viðlits. Heilsaði ekki einu sinni.“
Glúmur bætir við að „Smári minn gamli ritstjóri heilsaði ekki þrátt fyrir að við höfum þekkst í tæp 30 ár. Hins vegar var Sigurður Ingi vingjarnlegur þrátt fyrir að við hefðum aldrei áður hist en minn besti vinur þarna var svo Sigmundur Davíð sem stóð við hlið mér allan tímann, og á meðan bullinu stóð fékk ég ráð frá honum hvort ég ætti að hafa hendurnar krosslagðar eður ei og hvort betra væri að hafa jakkann fráhnepptan. Og svo hvort ég mætti ganga um gólf.“
Glumir nefnir að Sigmundur hafi gefið sér „góð ráð sem ég hefði kannski átt að fara eftir í einu og öllu. En hvað um það þá vil ég þakka Ingu Sæland fyrir að staðfesta á Útvarpi Sögu í gær eða fyrradag að ég var mest edrú maðurinn á svæðinu á eftir henni Svo fór ég í annan þátt í gær og verð að segja að Gunnar Leví kemur mér einkar vel fyrir sjónir. Viðkunnanlegur og hlýr maður og gjörsamlega edrú. Ég er að læra og þetta er skemmtileg reynsla. Takk.“