Glúmur Baldvinsson er með skemmtilegri mönnum; segir sínar skoðanir umbúðalaust og er bráðsnjall sögumaður.
Hann er virkur á samfélagsmiðlum og veitir fólku gleði og birtu í landi hins langa veturs, og skrifar:
„Horfði á þáttinn Storm sem ég kýs að kalla Storm í vatnsglasi eða tebolla. Því dramað er einsog svarti dauði hafi riðið yfir þjóðina.“
Því næst:
„En mikið var frú Helga Guðmundsdóttir í Bolungarvík sjarmerandi og skemmtileg. Stjarna þáttarins. Minnti mig á skáldsagnarpersónu Halldórs Kiljans. Þessi sterka kona fyrri tíðar sem tók öllu með húmor og æðruleysi. Amma hinnar íslensku þjóðar einsog hún var.
![](https://www.mannlif.is/wp-content/uploads/2023/02/Helga-Gudmundsdottir-Bolungarvik-1024x430.jpg)
Um C19 sem hún 102 ára lifði af sagði hún: „Æi þetta var leiðinda veira.““
Glúmur heldur upp á atriðið er þegar lesnar voru upp kveðjur til handa frú Helgu:
![](https://www.mannlif.is/wp-content/uploads/2021/04/Screenshot-2021-04-20-at-16.41.12-e1653651833928.png)
„Og þegar dóttir eða barnabarn hafði lesið henni kveðjur forsætisráðherra, Katrínar Jakobsdóttur, spurði hún í forundran en með glettni: „Er forsætisráðherra kona?“
Einsog hún væri pínu skelkuð. Og svo hraut bara hvert gullkornið af öðru af vörum þessarar stórfenglegu konu.“