• Orðrómur

Það skiptast á skin og skúrir hjá Hannesi Halldórssyni

Helgarviðtalið

- Auglýsing -

Orðrómur

- Auglýsing -

Á meðan það skiptast á skin og skúrir hjá Hannesi Halldórssyni, markverði Vals og landsliðsins, þá hefur vikan verið Vestmannaeyingum afar gjöful.

Góð vika: Vestmannaeyjar
Vikan hefur verið Vestmannaeyingum afar gjöful því þeir fengu tvær langþráðar sendingar að utan í vikunni. Fyrst sigldi nýr og glæsilegur Herjólfur inn í Vestmannaeyjahöfn frá Póllandi og þá mun vonandi koma í ljós að Landeyjahöfn er ekki mislukkaðasta opinbera framkvæmd í sögu lýðveldisins. Um tíma var útlit fyrir að skipið kæmi bara alls ekki vegna deilna á milli Vegagerðarinnar og pólsku skipasmíðastöðvarinnar. Flutningur tveggja mjaldra frá Kína til Íslands hafði einnig dregist um tvo mánuði en Litla hvít og Litla grá lentu svo loksins í Vestmannaeyjum í fyrradag við mikla kátínu heimamanna.

Slæm vika: Hannes Þór Halldórsson
Það skiptast á skin og skúrir hjá Hannesi Halldórssyni, markverði Vals og landsliðsins. Eftir að hafa varið mark Íslands með miklum sóma gegn Tyrklandi og Albaníu hélt hann til Ítalíu til að vera viðstaddur brúðkaup aldarinnar. Það ferðalag átti hins vegar eftir að draga dilk á eftir sér. Sjálfskipaðir sparkspekingar landsins kepptust við að saka Hannes um að gera sér upp meiðsli til að komast í brúðkaupið og svíkja þar með liðsfélaga sína og þjálfara hjá Val. Það var svo ekki til að bæta lundina að Valur tapaði 3:2 gegn erkifjendunum í KR en Hannes svaraði rækilega fyrir sig í viðtölum við fjölmiðla að leik loknum.

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -