Fimmtudagur 16. mars, 2023
-6.9 C
Reykjavik

Guðlaugur vill að eldsneytisbirgðir dugi í 90 daga: Nægt framboð eldsneytis forsenda öryggis

Helgarviðtalið

- Auglýsing -

Orðrómur

- Auglýsing -

Umhverfis-, orku- og loftslagsráðherra, Guðlaugur Þór Þórðarson, hefur kynnt áform um frumvarp sem tekur til laga um neyðarbirgðir eldsneytis í samráðsgátt stjórnvalda, en þetta kemur fram á Heimildinni.

Samkvæmt áformunum á að leggja þá skyldu á söluaðila að þeir viðhaldi jarðefnaeldsneytisbirgðum sem jafngildi notkun til níutíu daga; birgðir hérlendis þurfa að duga í tvo mánuði en auk þess eiga söluaðilar að sýna fram á að þeir geti uppfyllt allt að 30 daga með tryggingu í birgðum erlendis.

Sagt er frá því að birgðaskylduna á að innleiða í skrefum yfir 7 ára tímabil; verði svo áformin að lögum mun Orkustofnun fara með eftirlit með framkvæmd þeirra.

Kemur fram að í mati á áhrifum áformanna að búist er við því að þau leiði af sér kostnað fyrir söluaðila eldsneytis; gert er ráð fyrir að velta þeim kostnaði út í verðlag, og Það muni hafa í för með sér tekjuaukningu ríkissjóðs í formi virðisauka.

Í greinargerð með drögunum áðurnefndu er nauðsyn lagasetningarinnar rökstudd þannig, að í íslenskri löggjöf sé ekki tilgreindur aðili sem beri ábyrgð á að til séu neyðarbirgðir eldsneytis; né hversu miklar þær skulu vera:

„Engin krafa er sett á stjórnvöld eða atvinnulíf að halda uppi lágmarksbirgðum eldsneytis sem nýta mætti í aðstæðum sem takmarka eða útiloka afgreiðslu eldsneytis til Íslands. Á meðan Ísland er háð jarðefnaeldsneyti getur skortur á því takmarkað mjög hefðbundna virkni samfélagsins. Vöruflutningar, samgöngur og atvinnulíf getur lamast ef ekki er til taks orkugjafi til að knýja slíkt áfram.“

- Auglýsing -

Kemur fram í orkustefnu Íslands til ársins 2050 að nægt framboð eldsneytis sé alger forsenda öryggis á fjölmörgum sviðum; meðal annars fæðuöryggis, almennra samgangna, löggæslu sem og sjúkraflutninga; þar er gert ráð fyrir því að öryggisbirgðir olíu verði tiltækar í þeim tilgangi að tryggja orkuöryggi og efnahagslegan stöðugleika þar til orkuskiptum verði náð hér á landi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -