Fimmtudagur 2. desember, 2021
2.8 C
Reykjavik

Guðmundur í Brim kaupir í Árneshreppi – Veraldarvinir fá skjól á Finnbogastöðum

Helgarviðtalið

- Auglýsing -

Orðrómur

- Auglýsing -

Guðmundur Kristjánsson, kenndur við Brim, hefur keypt þá fornfrægu jörð, Finnbogastaði í Árneshreppi. Hrafn Jökulsson mun ætla að setjast að á Finnbogastöðum. Hann hefur átt í samstarfi við Veraldarvini sem hafa unnið stórvirki og staðið að stórfelldum hreinsunum á fjörum á Ströndum og víðar. Veraldarvinir munu fá skjól á jörðinni þegar þeir vinna að hreinsun með Hrafni. Hermt er að Guðmundur hafi hrifist af framtakinu og ákveðið að leggja sitt lóð á vogarskálarnar með þessu móti.

Hrafn Jökulsson er búinn að koma sínu fólki í skjól á Finnbogastöðum.

Árneshreppur er fámennasti hreppur landsins. Samfélaginu þar hefur hnignað stöðugt með brottflutningi fólks úr sveitarfélaginu. Nú er svo komið að innan við 20 manns eru þar með vetursetu en að sumrinu eru mun fleiri. Stöðugt fleiri bændur hafa brugðið búi og er nú svo komið að aðeins fjögur fjárbýli eru í sveitinni. Um tíma stóð til að fara í stórfelldar virkjanaframkvæmdir í Hvalá en þau áform virðast að baki, sumum til léttis en öðrum til ama.

Koma Veraldarvina í Árneshrepp mun örugglega verða sem vítamínsprauta í samfélagið. Guðmundur vildi í samtali við Mannlíf ekki tjá sig um málið opinberlega.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -