Guðni Bergsson hefur sagt af sér sem formaður KSÍ. Þetta kom fram á allsherjarstarfsmannafundi KSÍ sem hófst klukkan 16 í höfuðstöðvum sambandsins í Laugardal.
KSÍ setti einnig inn tilkynningu um afsögn Guðna á Twitter, sem sjá má hér:
Tilkynning: Guðni Bergsson hefur ákveðið að hætta sem formaður KSÍ. Frekari upplýsinga er að vænta frá KSÍ síðar í dag.
Boðað var til fundarins með afar skömmum fyrirvara og ljóst að margir sem „sátu„ fundinn gerðu það í gegnum fjarskiptabúnað.
KSÍ hefur verið á einum allsherjar maraþonfundi um helgina vegna allra þeirra ofbeldismála sem komið hafa upp í tengsllum við KSÍ.
Það sem gerði útslagið var að formaður KSÍ sagði ósatt í Kastljósinu á RÚV í vikunni.
Eftir það jókst pressan jafnt og þétt og nú hefur Guðni Bergsson sagt af sér formennsku KSÍ sem hann hefur gegn frá árinu 2017.
Ekki er enn komið í ljós hvort aðalstjórn KSÍ muni líka segja af sér.