Næstfrægasti frasakonungur Íslands, Einar Bárðarson (á toppnum er auðvitað Jón Gunnar Geirdal) ræddi um líf sitt í viðtali við Fréttablaðið.
Það var fyrir nokkrum árum síðan að Einar hætti Einar að smakka áfengi; hélt að í kjölfarið myndi hann mjókka. Svo fór ekki.
Einar fór að verðlauna sig með ýmsu öðru en áfenginu.
„Ég hef alltaf verið í yfirvigt og í smáslag við það en síðustu ár hef ég fundið smá jafnvægi í þessu og í dag er ég léttari en ég hef verið svona síðustu 10 eða 20 árin þannig að mér líður bara vel. En ég hef aldrei verið í einhverjum sjálfsásökunum eða liðið illa yfir því hvernig ég er eða hvernig ég er ekki.“
Einar segist vera með „rosalega mikið sjálfstraust og kannski meira en góðu hófi gegnir. Einhvern tímann fannst manni skrítið að fólk með anorexíu sæi ekki vandann þegar það lítur í spegil en þegar maður horfir svo sjálfur í spegil og sér ekki að maður sé of þungur þá fattar maður að maður sé að glíma við sambærilegt vandamál frá hinum endanum, að þetta sé einhvern veginn tengt sjálfsmyndinni. Ég sé ekki líkamlega heilsu mína í spegli, ég þarf að mæla hana einhvern veginn öðruvísi.“