Margrét Friðriksdóttir – Magga Frikka – er afar ósátt eftir að hafa verið dæmd í 30 daga skilorðsbundið fangelsi líkt og Mannlíf greindi frá.
Var Margrét dæmd vegna hótana er hún viðhafði í garð Semu Erlu Serdar.
Margrét er ósátt, afar ósátt:
„Langar að taka hér fram að Arnar Þór Jónsson tengist innleggi mínu í gær á engan hátt, hann sagði sig frá málinu vegna færslunar, en að mínu viti er kona sem setur svartan blett á dómstóla og dæmir mig í fangelsi, þrátt fyrir að vitni hafi staðfest að Sema hafi átt upptökin á riflildinu, óheiðarleg og ómerkileg svo vægt til orða tekið.“
Hún vill meina að „þarna er augljóslega verið að misnota dómskerfið en þess má geta að fv. rannsóknarlögreglumaður hafði samband við mig fyrir 2. vikum síðan til að tilkynna mér það að ég myndi tapa málinu og Barbara dómari væri með í því plotti, nú hefur það komið á daginn.“
Bætir við:
„Þar að auki þá féllust ákæruvaldið og Sema Erla í faðma þegar búið var að úrskurða og ég mætti þeim í tröppunum í þinghúsinu því ég var aðeins of sein en þar voru þær að hlægja saman og segja gott á mig.“
Segir að endingu:
„Þetta land er miklu rotnara og ógeðslegra en mig grunaði. En ég kalla konur sem að halda við gifta menn, lauslátar mellur og ég stend við það, fyrir dómstólum líka ef hún kærir mig, ég skulda þessu siðblinda hyski sem hagræðir dómum eftir beiðni, ekki neitt.“