Vigdís Häsler framkvæmdastjóri Bændasamtaka Íslands segir litla nýliðun og háan meðalaldur bænda vera mikið áhyggjuefni.
Framkvæmdastjórinn segir að það þýði ekkert að tala um fæðuöryggi þjóðar ef engin verður endurnýjunin í faginu.
Kemur fram á ruv.is að Búgreinaþing ellefu búgreinadeilda Bændasamtaka Íslands er haldið í Reykjavík. 200 hundruð bændur sitja þingið þar sem rætt er, til dæmis, um endurskoðun búvörusamninga – en hún fer fram á þessu ári; loftslagsmál; kjaramál bænda sem og tryggingavernd.
Þá var til umræðu á þinginu lítil nýliðun í bændastéttinni, og hár meðalaldur bænda; matvælaráðherra lýsti nýlega í fréttum yfir áhyggjum af þeirri staðreynd.
Segir Vigdís Häsler framkvæmdastjóri Bændasamtakanna að það sé mikið áhyggjuefni að meðalaldur bænda sé í kringum 57 til 60 ár.
Hún segir það klárt að tryggja þurfi nýliðun í greininni, eins og í öðrum atvinnugreinum:
„Það er til lítils að tala um fæðuöryggi þjóðarinnar ef lítið er um endurnýjun í greininni. Við þurfum líka að útbúa umhverfið þannig að tryggja það að ungir bændur geti fjárfest í fasteignum og í jörðum.“ sagði Vigdís.