Helgi Magnús tekur „lækin“ til baka: „Ég hef aldrei haft nein um­mæli uppi“

Í samtali við mbl.is tekur Helgi Magnús Gunnarsson það skírt fram að hann hafi aldrei tjáð sig um mál Þórhildar Gyðu Arnarsdóttur.

„Ég hef aldrei haft nein um­mæli uppi um nokk­urn skapaðan hlut í sam­bandi við þetta mál, nema þá skýr­ingu sem ég gaf fjöl­miðlum um helg­ina,“ Sagði Helgi Magnús er hann var spurður út í „læk“ sem hann gaf á færslu Sigurðar G. Guðjónssonar.
Helgi hefur nú tekið þau „læk“ til baka.

Í færslunni sem um ræðir deilir Sigurður G. lögregluskýrslum sem teknar voru af Þórhildi árið 2017 í kjölfar kynferðisofbeldis sem hún varð fyrir af hálfu Kolbeins Sigþórssonar.

Áslaug Arna Sigurbjörnsdóttir dómsmálaráðherra hefur nú fengið áskorun frá Stígamótum og Öfgum vegna málsins þar sem hún er hvött til þess að taka á málinu og setja Helga af.

Áslaug Arna sagði í samtali við í gær að það mætti alveg gagnrýna Helga fyrir að tjá sig með þessum hætti á samfélagsmiðlum.
„Mér finnst mjög vafa­samt af vara­rík­is­sak­sókn­ara að vera að tjá sig með þeim hætti sem hann hef­ur gert á sam­fé­lags­miðlum nú ný­lega. Það má al­veg gagn­rýna hann fyr­ir það,“ sagði Áslaug Arna