Hildur Guðnadóttir tónskáld vann til verðlauna í nótt á Critics Choice verðlaunhátíðinni í Los Angeles. Verðlaunin hlaut hún fyrir tónlistina í kvikmyndinni Tár. Kvikmyndin Everything Everywhere All at Once var valin besta mynd og leikonan Cate Blanchett fékk verðlaun fyrir leik sinn í myndinni Tár. Hildur var einnig tilnefnd til verðlauna fyrir tónlistina í kvikmyndinni Women Talking.
Hildur hefur sópað til sín verðlaunum síðustu ár en árið 2020 vann hún til Grammy-verðlauna fyrir tónlistina í myndinni Chernobyl. Sama ár vann hún Golden Globe- verðlaun fyrir tónlistina í kvikmyndinni Joker og var fyrsta konan til að hljóta verðlaunin í 19 ár. Þá var Hildur fyrsti Íslendingurinn til þess að vinna Óskarsverðlaun og var í kjölfarið sæmd riddarakrossi Hinnar íslensku fálkaorðu fyrir framlag sitt til íslenskrar og alþjóðlegrar tónlistar. Mannlíf óskar Hildi innilega til hamingju.