Þriðjudagur 19. mars, 2024
-0.2 C
Reykjavik

Hjónabandið byggt á hagkvæmnissjónarmiðum frekar en ástríðu og eldheitri ást

VefTv

- Auglýsing -

Hlaðvörp

- Auglýsing -

Formaður Samfylkingarinnar skýtur föstum skotum að VG og segir flokkinn bera ábyrgð á ómannúðlegri stefnu í útlendingalögum.

Logi Einarsson skrifar grein í Fréttablaðið þar sem hann gerir brottvísun barna að umræðuefni. Segir hann að nýlegar yfirlýsingar um rýmkaðar reglur séu í sjálfu sér ánægjulegar þótt þær feli ekki í sér varanlega lausn á málefnum flóttabarna. Til að svo sé þurfi meiriháttar stefnubreytingu.

Bendir Logi á að enn sé heimilt að senda börn til óöruggra landa og enn alvarlegra sé að börn fái ekki sjálfstæða málsmeðferð. „Tekin er afstaða til umsókna foreldra um vernd og síðan dregin sú ályktun að það sé barninu fyrir bestu að fylgja foreldrum. Krafan er að staða barna sé metin sérstaklega og þau fái þannig notið eigin mannréttinda.“

Ég geri mér grein fyrir því að hjónaband VG og Sjálfstæðisflokksins byggir frekar á hagkvæmnissjónarmiðum en ástríðu og eldheitri ást. En það þvingaði þau enginn í þetta samband…

Logi rifjar upp að haustið 2017 hafi formenn flokkanna gert samkomulag um að ráðast í endurskoðun útlendingalaga og framkvæmd þeirra. Árangur af þverpólitískri þingmannanefnd sé hins vegar enginn. Ekki aðeins hafi núverandi sleifarlag verið látið viðgangast, heldur hafi ríkisstjórnin afgreitt útlendingalög í apríl sem gangi enn lengra í átt að ómannúðlegri stefnu og liðkað fyrir brottvísun barna. „Auknir fjármunir og allur heimsins fagurgali duga því skammt ef meiningin er að herða enn á ómannúðlegri stefnu.“

Að lokum beinir Logi spjótum sínum að VG.

„Ég geri mér grein fyrir því að hjónaband VG og Sjálfstæðisflokksins byggir frekar á hagkvæmnissjónarmiðum en ástríðu og eldheitri ást. En það þvingaði þau enginn í þetta samband og þau bera því fulla ábyrgð á þeim slæmu málamiðlunum sem í því eru gerð. VG á því tvo leiki í stöðunni: Að knýja fram manneskjulegar úrbætur á málefnum flóttafólks eða gera stefnu VG í málaflokkum fullkomlega marklausa.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -