Hringdu býður upp á ódýrasta heimanetið á markaðnum sé reiknað með línugjaldi og leigu á netbeini, þ.e. 100 GB á 7.490 krónur á mánuði og ódýrustu áskriftarleiðina með ótakmörkuðu gagnamagni á 8.990 krónur.
Hringdu er svo einnig með lægsta verðið á áskriftarleiðum með ótakmörkuðu niðurhali og gígabæts gagnaflutningsgetu á sekúndu eða alls 10.990 krónur. Hringiðan býður sambærilega ákrift á 12.270 krónur, áskrift Vodafone kostar 12.070, áskrift Símans kostar 12.040 krónur en Nova fylgir svo fast á hæla með 11.970 krónur.
Hér að ofan er ekki tekið tillit til þess að sumir þjónustuveitendur veita þjónustu sem hangir beint saman við netáskriftina, t.a.m. fjölskyldupakka, myndlykla og sjónvarpsáskriftir.
Mjög mismunandi er hvort fyrirtækin auglýsi verð sín með línugjaldinu og leigu á neitbeini og því skiptir máli að gaumgæfa hvað er innifalið í uppgefnum verðum og hvort þú hafir aðgang að þeirri þjónustu sem þín fjölskylda þarf.