Baráttukonurnar Sema Erla Serdaoglu og María Lilja Þrastardóttir hafa verið kærðar til lögreglu fyrir að múta embættismönnum í .þeim tilgangi að bjarga fólki frá stríðshrjáðri Palestínu.
Konurnar tvær hafa undanfarin misseri bjargað fjölda hælisleitenda út af svæð’inu og til Íslands. Fólkið hafði allt dvalarleyfi á Íslandi.
Lögreglustjórinn á höfuðborgarsvæðinu framsend kæru til héraðssaksóknara gegn konunum tveimur. Um er að ræða söfnun samtaka þeirra, Solaris, til að tryggja brottflutning Palestínumanna frá Gasa.
Morgunblaðið greinir frá þessu og kveðst hafa undir höndum bréf lögreglustjórans til héraðssaksóknara, dagsett 4. mars. Þar er því lýst að sakarefni málsins kunni að varða við þann hluta hegningarlaga sem banna mútur til erlendra, opinberra starfsmanna. Refsiramminn er allt að fjórum árum.
Kærandi telur í bréfinu að aðgerðir hugsjónavennanna kærðu stangist á við lög um aðgerðir gegn peningaþvætti og fjármögnun hryðjuverka. Óskað sé eftir því að meðferð málsins verði hraðað þar sem söfnunin standi yfir.
Ekki liggur fyrir hver kærandinn er eða hvaða hagsmuna hann á að gæta.