Fjölmiðlafjölfræðingurinn Illugi Jökulsson skellti sér í bíó og sá íslensku kvikmyndina Á ferð með mömmu:
„Þetta er merkileg mynd. Á einum stað hélt ég eitt augnablik að Hilmar Oddsson leikstjóri væri að missa sig í kómidíunni, en svo seinna að hann væri kominn út á ystu nöf í melódramatík, myndi jafnvel detta út í tilfinningasemi eða töfraraunsæið tæki öll völd.“
Bætir við:
„En svo missir Hilmar sig bara ekki neitt, en heldur af fádæma öryggi um alla hina furðu ólíku þræði þessarar þó svo einföldu og fallegu myndar.“
Illugi er það ánægður með kvikmyndina að hann hvetur fólk til að flykkjast í bíó til að sjá hana:
„Fariði endilega í bíó að sjá hana; ef við ætlum að eiga kvikmyndagerð af viti þurfum við að sjá svona gimsteina þegar þeir eru í boði.“
Segir að endingu:
„Snjöll mynd, afburða fyndin, oftast á lágróma nótum og fínlegum, en líka hrífandi og sniðug. Og tekst meira að segja að koma manni á óvart fáeinum sinnum.
Þröstur Leó og Kristbjörg bera myndina uppi, mikið eru þau frábær, en það er nostrað þarna við allar persónur. Og hundurinn er magnaður!“
