Sunnudagur 4. desember, 2022
2.8 C
Reykjavik

Inga segist ekki ætla að láta þagga niður í sér

Helgarviðtalið

- Auglýsing -

Orðrómur

- Auglýsing -

„Það er alveg ljóst að staðan er alvarleg. Í nágrannalöndum okkar er talað af fullri alvöru um hættuna. Það mun ég líka gera og aldrei láta þagga niður í mér,“ skrifar Inga Sæland, formaður Flokks fólksins, í pistil sem birtist í Morgunblaðinu í dag. Í pistlinum skrifar hún um útbreiðslu kórónaveirunnar sem getur valdið COVID-19 sjúkdómi.

Inga hefur áður lagt til að yfirvöld hér á landi bregðist við útbreiðslu kórónaveirunnar með því að loka landinu fyrir þeim sem eru að koma frá áhættusvæðum og setja fólk sem er að snúa aftur til Íslands eftir dvöl á Tenerife í sóttkví í t.d. Egilshöll.

Þórólfur Guðnason sóttvarnarlæknir er ekki hrifinn af hugmynd Ingu. Inga segir Þórólf hafa gert lítið úr því sem hún hefur um útbreiðslu veirunnar að segja.

„Samt gerir jafnvel menntaður og hingað til almennt virtur læknir lítið úr því sem nú stendur fyrir dyrum og getur þróast í stórslys.“

„Við verðum að nálgast vandann af yfirvegun og raunsæi. Fólk fer ekki varlega nema það viti hvað er í húfi. Nú ætti þetta kannski ekki að vera svo alvarlegt mál að sumra mati sem segja að þetta sé nú bara eins og hver önnur flensa. Dánartíðnin segir þó allt annað. Samt gerir jafnvel menntaður og hingað til almennt virtur læknir lítið úr því sem nú stendur fyrir dyrum og getur þróast í stórslys. Ég sem kjörinn fulltrúi sæti jafnvel óbeinu ámæli og er mætt með fyrirlitningu í ríkisfjölmiðlinum RÚV fyrir það að ég skuli dirfast að spyrja spurninga og veita stjórnvöldum aðhald í þessu máli,“ skrifar Inga og vísar í þátt Kastljóss þar sem hún og Einar Þorsteinsson, þáttastjórnandi, tókust á.

Í pistli sínum fjallar Inga svo um tölfræði sem tengist COVID-19. „Hér á landi hafa dyrnar fyrir smit inn í landið staðið galopnar. Áherslan lögð á að byrgja brunninn eftir að við værum dottin ofan í hann,“ skrifar Inga.

Hún hvetur landsmenn til að taka höndum saman. „Nú er að taka saman höndum öll sem eitt til að koma í veg fyrir faraldur út um allt land.“ Hún segir það hafa lítið upp á sig að gera lítið úr hættunni. „Gagnvart slíkri vá þjónar engum tilgangi að tala niður hættuna sem af henni stafar.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -