Ingó snýr aftur og hefur selt miða fyrir 19 milljónir

Tónlistarmaðurinn Ingó Veðurguð – Ingólfur Þórarinsson – hefur selt um 3.700 miða á fjóra tónleika sem hann mun halda í Háskólabíói dagana 10-11. mars.

Þetta kemur fram í frétt Vísis.

Samtals eru 4.000 miðar í boði á tónleika Ingós; miðaverðið er 5.000 krónur.

Samkvæmt sölutölum hefur Ingó því selt miða fyrir tæpar 19 milljónir króna.

Þetta gerði Ingó þrátt fyrir að auglýsa tónleikana ekkert og sjá sjálfur um miðasöluna, mestmegnis í gegnum Facebook-síðu sína.

Það er því ljóst að Ingó Veðurguð er snúinn aftur og það með stæl.