Föstudagur 3. febrúar, 2023
2.1 C
Reykjavik

Anna laug um veðrið á Tenerife á Rás 2: „Ég skammast mín ofaní tær“

Helgarviðtalið

- Auglýsing -

Orðrómur

- Auglýsing -

„Í viðtali við Rás 2 í gærmorgun laug ég því að komið væri prýðilegt veður á Tenerife þótt enn væri hávaðarok,“ segir Anna Kristjánsdóttir, fyrrverandi vélstjóri sem hefur búið á Tenerife síðustu ár, á Facebook. Vonskuveður hefur verið á eyjunni fögru undanfarið. Anna gengst við því fúslega að hafa fegrað veðurfarið í viðtali á Rás 2. Hún segist þó eiga sér ákveðnar málsbætur.

„Í viðtali við Rás 2 í gærmorgun laug ég því að komið væri prýðilegt veður á Tenerife þótt enn væri hávaðarok. Ég hefi tvennt mér til afsökunar. Annars vegar er mér heimilt að skrökva á meðan ekki er um að ræða virðulegar heimildaritgerðir, hinsvegar hafði ég sofið svo vel um nóttina eftir andvökunótt á undan að ég þurfti vekjarann í símanum til að vekja mig. Vekjaraklukkan fór hinsvegar af stað klukkan 07:45 að venju þegar viðtalið var byrjað og ég þurfti að snarast í miðju viðtali inn í svefnherbergi að þagga niður í henni. Ég skammast mín ofaní tær. Hvað sem því líður þá fannst mér viðtalið takast nokkuð vel þrátt fyrir nokkra hnökra sem verða þegar rætt er um margt í stuttu viðtali,“ segir Anna.

Anna bætir við að lokum að allt sé krökt af Íslendingum á eyjunni núna. „Ég þurfti að fylla á ísskápinn og skrapp út í Mercadona í þeim tilgangi í gær. Það gekk ljómandi vel og lítil umferð á götunum. Svo vona ég að einhver gaur sem ég sá, hafi fundið hana Dísu sína sem hann kallaði á inni í búðinni, en aldrei sá ég eða heyrði neina Dísu, en hún hefur vafalaust verið í búðinni. Sem ég hefi sagt áður. Það er ekki þverfótað fyrir Íslendingum á Tenerife þessa dagana.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -