„Ég fékk covid án þess að vita af því. Fór í mótefnamælingu sem staðfesti það. En af því að ég fékk ekki jákvætt í pcr að þá gildir smitið ekki, þrátt fyrir að vísindin staðfesti það.“
Þetta segir Arnar Sveinn Geirsson, knattspyrnumaður og forseti Leikmannasamtaka Íslands, sem fékk Covid-19 án þess að vita af því. Arnar segir frá þessu í færslu á Twitter-síðu sinni. Arnar virðist töluvert hissa á þessum reglum.
Hann bætir svo við:
„Ég er svo með Janssen, sem skv vísindunum var tvær sprautur, en skv nýjustu vísindum er ein sprauta (líklega fljótlega engin sprauta). Ég er því ekki búinn að fá covid og er ekki bólusettur skv bókhaldi heilbrigðisyfirvalda. Meikar sens.“
Einn af fylgjendum Arnars kemst ágætlega að orði og slær á létta strengi:
„Þetta er eins og að detta í gólfið en hitta ekki.“
Ég fékk covid án þess að vita af því. Fór í mótefnamælingu sem staðfesti það. En af því að ég fékk ekki jákvætt í pcr að þá gildir smitið ekki, þrátt fyrir að vísindin staðfesti það.
— Arnar Sveinn (@arnarsveinn) January 11, 2022