Atla Þór Fanndal dettur ekki í hug að versla við Kjörís, vegna tenginga við dómsmálaráðherrann.
Signý Jóhannesdóttir, fyrrverandi varaforseti ASÍ og formaður Stéttarfélags Vesturlands, sagði í aðsendum pistli á Vísi í dag, vera hætt að versla við Kjörís vegna tengla fyrirtækisins við dómsmálaráðherra Íslands, Guðrúnu Hafsteinsdóttur, sem Signý kallar „Ísdrottninguna“. Segir hún í pistlinum að framkoma ráðherra gagnvart hælisleitendum vera eitthvað sem siðað fólk láti ekki bjóða sér.
Undir þetta tekur Atli Þór Fanndal, framkvæmdastjóri Íslandsdeildar Transparency International og fyrrverandi blaðamaður. Segir hann í færslu á Facebook að Guðrún missi „aldrei af tækifæri til að syngja söngva illsku og græðgi.“ Bæti hann því við að honum detti ekki til hugar að versla við Kjörís.
Hér er færsla hans í heild sinni:
„Hver hefur það í sér að versla við dómsmálaráðherra sem missir aldrei af tækifæri til að syngja söngva illsku og græðgi. Dettur ekki í hug að versla við Kjörís. Raunar er allt tal um einhver græn skref, samfélagsábyrgð fyrirtækja og bla bla bla marklaus ef menn eru að kaupa ís og slikkerí frá dómsmálaráðherra með svarta áru. Signý you go girl!“