Bílslys á Seltjarnarnesi í gærkvöldi þar sem ekið var á einstakling í hjólastól

Lögreglu barst tilkynning í gærkvöldi vegna umferðaróhapps. Þar hafði verið ekið á einstakling í hjólastól en slysið átti sér stað á Seltjarnarnesi. Meiðslin voru talin minniháttar en ekki kemur fram í dagbók lögreglu hvort einhver hafi verið fluttur á sjúkrahús.

Síðar um nóttina hafði lögregla afskipti af fjórum einstaklingum sem allir eru grunaðir um vörslu fíkniefna. Tveir þeirra voru vistaðir í fangaklefa vegna rannsókn málsins. Þá sinnti lögregla reglubundnu umferðareftirliti. Einn ökumaður var stöðvaður en sá er grunaður um akstur undir áhrifum fíkniefna.