- Auglýsing -
Þreyttur íbúi kvartaði undan hávaða sem barst frá heimahúsi í vesturbænum seint í gærkvöldi. Lögregla mætti á vettvang en varð ekki vör við neinn hávaða líkt og kvartað hafði verið undan. Klukkustund síðar barst lögreglu tilkyninning að kviknað hafði í gröfu. Þegar lögregla kom á svæðið var grafan orðin alelda og stóð í ljósum logum. Slökkvilðið réði niðurlögum eldsins í framhaldi.
Þjófur komst af vettvangi með þýfi eftir að hafa brotist inn í verslun. Málið er nú til rannsóknar hjá lögreglu. Í austurbænum var ekið á steypuklump. Höggið varð töluvert en sem betur fer slasaðist enginn. Þá sinnti lögregla umferðareftirliti og stöðvaði nokkra ökumenn fyrir of hraðan akstur og akstur undir áhrifum vímuefna.