Fimmtudagur 11. apríl, 2024
4.8 C
Reykjavik

Edda snýr aftur til Íslands – Mögulega bönnuð frá Noregi

VefTv

- Auglýsing -

Hlaðvörp

- Auglýsing -

Eddu Björk Arnardóttur verður vísað frá Noregi á föstudaginn og mun líklega koma til Íslands þá.

Frá þessu greinir Nútíminn en Edda var fyrir stuttu dæmd í 20 mánaða fangelsi fyrir alvarlega vanrækslu sona sinna sem hún hafi ekki forsjá yfir og tók með sér frá Noregi til Íslands án leyfi. Þegar Edda var framseld frá Íslandi til Noregs settu íslensk stjórnvöld það skilyrði að hún fengi að afplána dóm sinn á Íslandi. Samkvæmt Nútímanum þykir líklegt að Edda muni fá að taka út dóminn með samfélagsþjónustu.

Þá greinir fjölmiðilinn einnig frá því að Edda muni mögulega ekki fá að snúa aftur til Noregs nema fá til þess sérstakt leyfi yfirvalda. Allir dómarar í máli Eddu voru sammála um að hún væri sek um það sem henni var gefið að sök og að hún „hafi einnig lagt mikla vinnu í að segja sína, vísvitandi ranga, útgáfu af málinu í íslenskum fjölmiðlum, samfélagsmiðlum og öðrum rásum.“

Mál Eddu hefur vakið athygli síðan fyrri part 2022 þegar hún kom fram í hlaðvarpsþætti Eddu Falak og sagði sína hlið en þá hafði hún komið sonum sínum til landsins án leyfis föður þeirra en hann fer með fullt forræði yfir þeim. Faðir þeirra hefur ekkert tjáð sig um málið í fjölmiðlum og hefur lögfræðingur hans hérlendis sagt að hann telji að það sé drengjunum fyrir bestu að málið sé ekki rekið í fjölmiðlum.

Þegar handtökuskipun var gefin á hendur Eddu hérlendis fór hún í felur með drengina þrjá og grunar lögreglan vini og vandamenn Eddu um að hafa hjálpað að koma henni undan. Þá leikur grunur um leka innan lögreglunar og hafi Edda því á vissum tímum náð að vera skrefi á undan lögreglunni þegar að henni var leitað. Edda var svo handtekin í desember og drengjunum komið heim til föður þeirra í Noregi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -