Fimmtudagur 2. febrúar, 2023
1.6 C
Reykjavik

Egill Helgason varar við brjálæðislegri hálku: „Snjóbræðslukerfið í Miðbænum hefur ekki undan“

Helgarviðtalið

- Auglýsing -

Orðrómur

- Auglýsing -

Egill Helgason varar við brjálæðislegri hálku á götum bæjarins, en eins og hverjum manni er kunnugt kyngdi niður snjó á höfuðborgarsvæðinu í gær. Egill sem býr í miðbænum skrifar eftirfarandi færslu á fésbókarsíðu sína: „Það er brjálæðislega hált á götum bæjarins. Snjóbræðslukerfið í Miðbænum hefur ekki undan svo það er mannskaðafæri. Verður að gera eitthvað í þessu fljótt. Borgin þarf að gera eitthvað í þessu og eigendur verslana og veitingahúsa líka. Leiðinlegt að brotna i jólatíðinni. Veðrið er hins vegar stillt og fallegt.“

Margir hafa tekið undir orð hans á meðan enn fleiri benda honum vinsamlega á mannbrodda og áætlað verð þeirra. Egill svarar einni mannabrodda-athugasemdinni eftirfarandi: „Ætli væri ekki nær að hreinsa burt klakann ef fólk á að njóta jóla í bænum?“

Eins og fram kom í fréttum hafa snjóruðningstæki og verktakar á vegum borgarinnar haft í nægu að snúast við að hreinsa stofnæðar og margir íbúar á höfuðborgarsvæðinu verið innlyksa í húsum sínum vegna ófærðar. Óljóst er því hvenær borgin kemst í að brjóta ísinn af upphituðum götum miðbæjarins. En íbúar og verslunareigendur hafa verið hvattir til að salta og sanda.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -