Laugardagur 15. júní, 2024
14.8 C
Reykjavik

Einn gestur í einu og allir þurfa að panta tíma í heimsókn

VefTv

- Auglýsing -

Hlaðvörp

- Auglýsing -

Anna Birna Jensdóttir frá samtökum fyrirtækja í velferðarþjónustu var gestur á upplýsingafundi almannavarnadeildar ríkislögreglustjóra í gær.

Anna greindi frá áætlun um að aflétta að hluta til því banni sem verið hefur við heimsóknum á hjúkrunarheimili þann 4. maí.

Anna nýtti tækifærið til að þakka starfsfólki hjúkrunarheimila, íbúum þar og ekki síður aðstandendum þá þolinmæði og skilning sem þau hafa sýnt ströngum reglum um heimsóknarbann. Hún sagði að nú væri komin áætlun um að aflétta banninu.

Þó þurfi að fara varlega, og fram til 4. maí verði unnið að frekari útfærslu á afléttingu sagði Anna.

Hú tók fram að slakað verði á heimsóknarbanni á hverju heimili fyrir sig, miðað við aðstæður á hverjum stað.

Lagt er til að einum aðstandanda í einu verði leyft að heimsækja íbúa á hjúkrunarheimilum – fyrstu tvær vikurnar að minnsta kosti. Ungmennum á aldrinum 14-18 verður einnig leyft að koma, en ekki yngri börnum.

- Auglýsing -

Aðstandendur verða þá að panta tíma áður en þeir mæta í heimsókn og eru ættingjar hvattir til að hlaða niður smáforritinu Rakning C-19  í snjallsíma.

Anna Birna lagði áherslu á að aðstandendur mega ekki koma nema hafa pantað tíma; heimsóknum verði raðað niður svo jafnræðis verði gætt milli íbúa og tillit tekið til aðstæðna. Gestum verði fylgt að herbergi og út aftur og ekki megi staldra við í sameiginlegum rýmum. Aðstandendur verði að gæta varúðar og ekki koma í heimsókn ef þeir eru lasnir, eru í sóttkví eða einangrun, eða eru að bíða eftir niðurstöðu úr covid-sýnatöku.

Ekki verður lagt til að íbúar hjúkrunarheimila geti farið í bíltúra eða heimsóknir, en nauðsynlegar ferðir, til dæmis vegna heilbrigðisþjónustu verði leyfðar. Víðir Reynisson yfirlögregluþjónn þakkaði Önnu Birnu og vinnuhópnum fyrir að finna leiðir til að opna fyrir heimsóknir á hjúkrunarheimili.

- Auglýsing -

Útfærslur á heimsóknum fyrir hvert heimili eiga að liggja fyrir eftir helgi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -