Það er óhætt að segja að Frosti Logason sé ekki hrifinn af samfélagsmiðlinum Twitter. Á vef nýstofnaðar hlaðvarpsveitu hans, Brotkast, segir hann markmiðið með henni að vera óháður auglýsendum og þannig „ekki nauðbeygður undir háværan hóp róttæklinga á Twitter“.
Það ætti því ekki að koma á óvart að honum hafi ekki verið skemmt yfir tísti sem grínistinn Stefán Vigfússon birti í fyrradag. Margir kannast við Stefán úr Áramótaskaupinu en hann hefur einnig vakið athygli fyrir að elda grátt silfur við Brynjar Níelsson.
Tíst Stefáns má sjá hér fyrir neðan.
Kúl, Frosti Loga er orðinn alveg fokkin bonkers, svona budget Glenn Beck 🙂 vanilla Alex Jones 🙂
Alltaf gaman að sjá nýtt þrotabú verða til pic.twitter.com/7aKbBkulrQ
— [email protected] (@SVigfusson) January 23, 2023
Stefán sjálfur vekur athygli á því í dag að Logi hafi gert tístið að umtalsefni í hlaðvarpi sínu. Þar segir Frosti meðal annars: „Ég fór að skoða þennan strák og kíkti aðeins á, þetta er drengurinn! Þessi gaur var að kalla mig incel-leiðtoga, þessi hökulausi maðkur.“
Stefán svarar honum fullum hálsi í dag og segir: „Sá að Frosti Loga fjallaði um þetta twitter vloginu sínu. Honum finnst umræða um hugmynda- eða fagurfræðilegar fyrirmyndir vlogsins ekki svara verð, en fer þess í stað í mínútu rant um að hann hafi sko fengið ríða? Og segir svo að þurfi að kýla mig í andlitið.“
Stefán heldur svo áfram: „Það væri auðvitað áhyggjuefni að fjölmiðlamaður hvetji áhorfendur sína til þess að ráðast á mig, en Frosti ekki fjölmiðlamaður. Hann er vloggari og of mikill lúser til þess að fá einu sinni stöðu á Útvarp Sögu, og þessir 2 áskrifendur hans hætta sér varla upp úr kjallaranum.“