Lögregla sinnti nokkrum útköllum í gærkvöldi og nótt vegna þjófnaðar. Tvær tilkynningar bárust lögreglu úr hverfi 108 en þar hafði verið stolið úr verslun. Skömmu síðar sinnti lögregla öðru útkalli vegna þjófnaðar úr verslun í Kópavogi. Gesti veitingastaðar brá heldur betur í brún í gærkvöldi þegar handtösku viðkomandi hafði verið stolið meðan hann sat og borðaði en lögregla rannsakar nú málið.
Í miðbæ Reykjavíkur handtók lögregla karlmann í annarlegu ásandi. Sá hafði verið til vandræða í bænum og sparkaði hann meðal annars í lögreglubifreið. Maðurinn gisti í fangageymslu í nótt. Leigubílstjóri kom að lögreglustöðinni við Hverfisgötu stuttu síðar með farþega sem hafði hagað sér illa. Illa gekk að ræða við manninn og var hann því einnig vistaður í fangageymslu í nótt.