Gul veðurviðvörun er nú í gildi á mest öllu landinu. Mikill vatnselgur hefur myndast víðs vegar á götum borgarinnar og vert að minna ökumenn að gæta fyllstu varúðar við aðstæður sem þessar. „Hér eru bílar að drukkna,“ lýsir vegfarandi rétt í þessu í samtali við Mannlíf.
Á vef Veðurstofu Íslands segir: „Fólki er bent á að huga að niðurföllum og ganga frá lausum munum.“
„Austan og suðaustan 15-23 m/s í dag. Snjókoma eða slydda með hita kringum frostmark, en rigning sunnantil og hiti 1 til 6 stig. Minnkandi vindur og úrkoma í kvöld og nótt.
Gengur í suðaustan og síðar sunnan 15-25 m/s eftir hádegi á morgun, hvassast vestanlands. Víða rigning, talsverð úrkoma á sunnanverðu landinu um tíma. Hlýnar, hiti 3 til 9 stig seinnipartinn.“