Guðbjartur Haraldsson, fimmtugur íslenskur karlmaður, hefur verið ákærður fyrir kynferðisbrot í Kanada. Konan var kúnni hjá honum og brotið sagt hafa átt sér stað á stofu íslenska nuddarans.
Vísir greinir frá og vísar í staðarmiðla frá Surrey-borg, nærri Vancouver í Kanada. Þar hefur Guðbjartur starfað lengi sem nuddari. Þarlend lögregluyfirvöld hafa sent frá sér fréttatilkynningu vegna málsins en konan kærði Guðbjart 14. nóvember síðastliðinn. Ellefu dögum síðar var hann handtekinn og fljótlega ákærður. Málið er enn til rannsóknar hjá lögreglu.
Guðbjartur gengur laus en honum hefur verið bannað að veita nokkurs konar nudd- eða líkamsmeðferðir á konum á meðan málið er í ákæruferli. Kanarískir fjölmiðlar fjalla margir um málið og þar kemur fram að Guðbjartur hefur starfað sem nuddari í Kanada frá árinu 1993 og meðal annars unnið að rannsóknum á vegum félags fagnudddara í Bresku Kólumbíu.