Þriðjudagur 16. apríl, 2024
2.1 C
Reykjavik

Gunnari finnst illa vegið að stórum hópi fólks: „Eigum ekki að láta bjóða okkur rugl“

VefTv

- Auglýsing -

Hlaðvörp

- Auglýsing -

Smíðakennarinn og þáttarstjórnandi hlaðvarpsins Þvottahúsins Gunnar Dan Wiium, sendi frá sér pistil varðandi umræðuna síðustu daga um ofbeldi í andlega heiminum. Gunnar vill minna á það, að ekki er hægt að setja alla undir sama hatt innan þessa geira.

„Mér finnst nefnilega svolítið ílla vegið að svo stórum hóp fólks sem starfar innan þessa geira af mikilli auðmýkt og af hreinum ásetning. Ég er ekki að halda því fram að þær sögur sem ég hef heyrt upp á síðkastið séu ekki réttar, en ljósinu skal einnig beint að þeim sem starfa hafa í þessum bransa í áratugi á óaðfinnalegan hátt.“

Gunnar lýsir því í sínum pistli að hafa nýtt sér ýmisskonar námskeið í sinni andlegu vegferð og segist sjálfur aldrei hafa verið beittur ofbeldi í sínum ævintýraferðum, þau 15 ár sem hann hefur stundað andlega vinnu. Hann nýtir sér mikið að fara í svokalla Svett sem er lýst sem hreinsunaraðferð fyrir líkama og huga.

„Svettið (e. Sweat Lodge) sem ég fór í á Spirit farm í gær var gott, stjórnað af einum auðmjúkum sem hafði 27 ára reynslu af svitahofum. Hann reyndi ekki að pota fingrum sínum í rassgatið á neinum, hann bauð okkur ekkert hugvíkkandi, bara súpu og húmmus ásamt mjúkri nærveru sem geislaði af honum í formi þétts ljóseindaflæðis. Ég hef aldrei lent í perrum eða vitleysingum í þessum ævintýra ferðum mínum síðustu 15 árin. Ég reyndar bý yfir dómgreind til að sjá ruglið ef það myndi birtast mér og styrk til að standa upp í miðri athöfn ef svo bæri við og fokka mér út, ég ber nefnilega ábyrgð, ég verð að passa upp á mig, ég set mig ekki algjörlega í hendurnar á ókunnugu fólki því ekkert fólk er að fara að stjórna mér inn í lausn af neinu tagi.“

Gunnar segir svo að lokum; „til að loka þessu samhengislausa röfli í mér langar mig bara að biðja fólk um að axla ábyrgð og sjá hvenær JÁ á við og hvenær NEI á við. Við þurfum ekki og eigum ekki að láta bjóða okkur rugl eða glepjast af grunnum sálfræðihernaði fávita í kuflum. Sjáum hverjir eru ekta og hverjir ekki, það er í alvörunni ekki svo erfitt.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -