Atli Þór Fanndal skýtur föstum skotum á sáttasemjara ríkisins og Halldór Benjamín Þorbergsson í nýrri Facebook-færslu.
Framkvæmdastjóri Íslandsdeildar Transparency International, Atli Þór Fanndal skrifaði í dag færslu á Facebook sem vakið hefur athygli. Þar skýtur hann þéttingsföstum skotum í skeytin inn, ef svo má að orði komast en hann kallar Samtök atvinnulífsins „Samtök eitt prósentsins“. Þá segir einnig að Ástráður Haraldsson, settur ríkissáttasemjari í deilu Eflingar við SA, geti varla látið Halldór Benjamín niðurlægja sig með því sem SA hefur gert. Hér fyrir neðan má lesa færslu Atla Þórs:
„Sérstaklega skipaður sáttasemjari í deilu Samtaka atvinnulífsins og Eflingu getur varla látið Halldór Benjamín niðurlægja sig með þeim sem SA hefur gert. Samtök 1% prósentsins neituðu samingaviðræðum við Eflingu nema verkföllum yrði frestað en nota svo frestun verkfallsaðgerða til að boða verkbönn. Nú hljóta beinlínis að hrannast upp vandlætingagreinar um hvernig ríka fólkið ætlaði sér aldrei að semja og vildi alltaf verkbönn.“