Brynjar Níelsson fyrrverandi alþingismaður og aðstoðamaður dómsmálaráðherra segir í nýrri Facebookar-færslu: „Stundum upplifi ég að vestræn samfélög séu komin á endastöð.“
Í skrifum sínum býsnast hann yfir samfélaginu sem við búum í:
„Við erum hætt að ala upp börnin og kennum þeim lítið í skólum nema um kynlíf og fíkniefni. Við tökum helst enga ábyrgð á eigin lífi og kennum öðrum um ófarir okkar og óhamingju. Við eigum rétt á öllu en skyldur eru okkur fjarlægar.“
Brynjar lýsir því yfir að hann sé kominn á kvíðastillandi vegna ótta við að eiginkona hans Soffía lýsi yfir forsetaframboði eins og annar hver Íslendingur í maníukasti geri.
„Á mínu heimili er geðsveiflum skipt jafnt eftir leiðbeiningum frá Steina kynjarfræðingi, Soffía sér um maníuna og ég um þunglyndið.“
Hann veltir því fyrir sér hvert þjóðfélagið sé komið ef ekki megi þrefa um pólitíska hluti nema kæra mann og annan fyrir hatursorðræðu:
„Hvert erum við eiginlega komin? Lögregla og aðrar mikilvægar stofnanir hafa hvorki mannafla né fé til að hjálpa fólki sem er að drepast úr frekju og fer alltaf í tilfinningalegt uppnám ef einhver andmælir því.“
Fjölmargir hafa líkað við færslu Brynjars en hana má sjá hér í heild: