Ókunnugur aðili hefur hakkað sig inn í Facebook-aðgang veitingamannsins Quang Le, sem í fyrra breytti nafni sínu í Davíð Viðarsson. Birtir aðilinn þar ýmar viðkvæmar upplýsingar um veitingamanninn.
Vísir segir frá málinu. Quang Le hefur undanfarnar átta vikur setið í gæsluvarðhaldi grunaður um peningaþvætti, vinnumansal og skipulagða glæpastarfsemi í tengslum við rekstur á þrifafyrirtækinu Vy-þrif og veitingastöðunum Wok on og Pho Vietnamese. Lögreglan heldur aukreitis möguleikanum um að fíkniefnasala eða framleiðsla tengist málinu, opnum.
Heimildir Vísis herma að óþekktur aðili hafi hakkað sig inn á Facebook-síðu Quang Le en frá klukkan 11 í morgun hefur hann birt viðkvæmt efni, hvoru tveggja á persónulegri Facebook-síðu Le og á Facebook-síðu Wok On. Þar eru ríkisstjórnarflokkarnir meðal annars harðlega gagnrýndir, sem og Krónan, Heilbrigðiseftirlit Reykjavíkur, World Class og samstarfsmenn Quang Le. Þá birtir aðilinn samskipti veitingamannsins við vin sinn þar sem þeir birta rassamyndir af konum sem stunda líkamsrækt í World Class og ræða líkama þeirra.
Meðal þess sem hakkarinn skrifar á Facebook-síðu Quang Le er hörð gagnrýni á ríkisstjórnarflokkana. Þar segir hann (í íslenskri þýðingu): „Ég er Quang Le. Ég vil þakka Sjálfstæðisflokknum, Framsókn og Vinstri grænum, frá hjartarótum, fyrir að gera akkura ekkert varðandi „umþóttunarleyfi!“, jafnvel þó að stærsta mansalsglæpamál Íslandssögunnar hefur nú verið afhjúpað. Að setja fórnarlömb mansals á „umþóttunarleyfi“ þann 15. maí, þýðir að þau munu hafa skert réttindi og möguleika á að vera hent úr landi.
Þetta eru frábærar fréttir fyrir kaupsýslumenn eins og mig sem hafa gaman af mansali!
Framtíðarfórnarlömb mansals munu nú skilja að ef stjórnvöld komast að stöðu þeirra gætu þau verið verr stödd en þau eru nú þegar.
Þetta er frábær leið til að láta þá halda kjafti!
1. maí er á morgun! Ég vona að allir þegi yfir þessu“