Eftir langan vetur er Glúmur Baldvinsson orðinn langeygður eftir sólskini og heimtar að höfuðborgin verði færð: „Ég er kominn með uppí kok á þessu helvíti og geri skýlausa kröfu um að höfuðborgarsvæðið verði flutt á einu bretti og í einni svipan lóðbeint norður.“
Ætla má að Glúmi finnist nær að færa höfuðborgina á Blönduós eða Akureyri þegar hann birtir með fésbókarfærslu sinni skjáskot af veður.is. Á myndinni gefur að líta hellidembu yfir höfuðborginni en heila sól yfir Norðurlandi.
„Það er ekki við þetta helvíti búandi öllu lengur. Hvaða fávita datt í hug að úrskurða akkúrat þennan skítablett höfuðstað?“, spyr Glúmur fylgendur sína. Líflegar umræður hafa spunnist undir þræðinum og þó nokkrir hvatt Glúm til heimsóknar.
Hér að neðan má sjá færslu Glúms: