Fimmtudagur 2. febrúar, 2023
4.8 C
Reykjavik

Hatrammt ruslatunnustríð um jólin á Seltjarnarnesi: „Dóttir mín endaði í læknishöndum“

Helgarviðtalið

- Auglýsing -

Orðrómur

- Auglýsing -

Sannkallað ruslatunnustríð er á milli nágranna á Seljarnarnesi. Hanna Kristín Skaftadóttir, móðir á Seltjarnarnesi, greindi frá nágrannaerjunum á Fésbókarsíðu sinni og birti myndskeið þar sem Steingrímur Sævarr Ólafsson almannatengill sést raða ruslatunnum fyrir bifreið Hönnu Kristínar og fjölskyldu hennar. Í færslunni skrifar hún:

„Síðastliðna 6 mánuði höfum ég og börnin mín þurft að þola ónæði og árásir með orðum og gjörðum frá kærasta nágrannakonu minnar. Steininn tók úr í morgun þegar ég náði myndbandi af honum að loka bíl okkar fjölskyldunnar inni með ruslatunnum.“

„Hefur öskrað á mig og hótað mér“

Hanna Kristín lýsir ógnandi hegðun Steingríms og fer meðal annars ofan í saumana á hvernig hann hafi vísvitandi kveikt eld og fyllt íbúð hennar af reyk með þeim afleiðingum að dóttir Hönnu mátti leita læknisaðstoðar:
„Hann Steingrimur Sævarr Ólafsson almannatengill hefur öskrað á mig, hótað mér og þar með hrætt mig og börnin mín. Ekki nóg með að hann reyni ítrekað að loka bílinn minn inn í innkeyrslu minni heldur hefur hann einnig kveikt opinn eld á sameign í þeim einum tilgangi að reykfylla fasteign mína með þeim afleiðingum að dóttir mín endaði í læknishöndum með alvarlegan astma.“

Tók afstöðu í hatrömmum málaferlum

Hanna Kristín útskýrir jafnframt hvað liggi að baki þessari styrjöld sem nú geysar í litlu fjölbýli á Seltjarnarnesi:

„Allt er þetta tilkomið því ég studdi við bak Boga Hallgrímssonar í hatrömumm málaferlum sem nágrannakonan stóð í við hann. Þetta fæ ég að launum.
Ég hef nú hringt á lögreglu því nú er svo komið að málum linni og fólk sjái hvað sé í gangi.“
Að lokum óskar hún fylgjendum sínum gleðilegra jóla frá sér og börnunum.
Mannlíf leitaði viðbragða hjá Steingrími Sævarri Ólafssyni vegna málsins og vildi hann ekki ræða málið opinberalega.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -