Sunnudagur 4. desember, 2022
2.8 C
Reykjavik

Andrés hæðist að Helga Magnússyni – Hefur tapað 1,4 milljarði og stendur uppi áhrifalaus

Helgarviðtalið

- Auglýsing -

Orðrómur

- Auglýsing -

„Það er eitthvað fallegt og hughreystandi við það að maður sem kaupir fjölmiðil til þess eins að öðlast pólitísk áhrif sitji á endanum uppi með milljarða tap og svipuð áhrif á stjórnmálin eins og duglegur símatímainnhringjandi á Útvarpi Sögu.“

Þetta skrifar Andrés Jónsson, ein helsti almannatengill Íslands, á Twitter og deilir frétt Viðskiptablaðsins þar sem kemur fram að rekstrartap Torgs, útgáfufélags Fréttablaðsins, DV og Hringbrautar, hafi verið samtals um 1,4 milljarðar frá því að Helgi Magnússon keypti Fréttablaðið. Rekstrartap Torgs var í fyrra 348 milljónir króna.

Því hefur oft verið haldið fram að Helgi hafi eignast fjölmiðlana til að auka áhrif Viðreisnar. Hvað sem því líður þá hefur flokkurinn staðið í stað eða dalað síðan Helgi eignaðist fjölmiðlana.

Stefán Pálsson sagnfræðingur skrifar athugasemd hjá Andrési og veltir því fyrir sér hve langt sé í að blaðaútgáfan verði slegin af. „Prentútgáfan slegin af um leið og jólaauglýsingatíðinni í desember lýkur?,“ spyr Stefán.

Andrés svarar: „Þetta er svo sem ekki komment á Fréttablaðið sjálft, þó að útbreiðsla þess hafi minnkað, heldur frekar að tilburðir eigandans gagnvart því að beita miðlinum hafi einhverja vigt.“

Stefán bendir þá á nokkuð sem fleiri hafa bent á. „En samt um Fréttablaðið… ef þau ætla að færa sig yfir á netið þá mæli ég með því að kaupa lénið fbl-punktur-is af bankanum sem á það núna. Hin romsan er of löng og leiðinleg…“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -