Þriðjudagur 23. apríl, 2024
4.1 C
Reykjavik

Heilbrigðisráðherra sammála Þórólfi – Grjótharðar aðgerðir um jólin

VefTv

- Auglýsing -

Hlaðvörp

- Auglýsing -

Rétt í þessu samþykkti ríkisstjórnin harðar aðgerðir vegna mikillar fjölgunar Covid-smita. Munu aðgerðirnar vafalaust hafa áhrif á jólahald margra, sem og að setja tónleikahald í uppnám.

Ríkisstjórnarfundi lauk fyrir stuttu, um tillögur sóttvarnalæknis að hertum sóttvarnaraðgerðum. Í gær greindust 286 smit innanlands, sem er metfjöldi. 27 smit greindust á landamærunum og voru smitin því 313 í heildina.

Willum Þór Þórsson heilbrigðisráðherra og Katrín Jakobsdóttir forsætisráðherra greindu frá hertum aðgerðum fyrir utan Ráðherrabústaðinn við Tjarnargötu strax að fundi loknum.

Aðgerðirnar taka gildi á miðnætti. 20 manns mega koma saman og 200 í hólfi á viðburðum þar sem hraðprófs er krafist af gestum.

Tveggja metra regla verður tekin upp að nýju í stað eins metra reglu.

Sundstaðir, líkamsræktarstöðvar og skíðastaðir mega taka við 50 prósentum af leyfilegum heildarfjölda.

- Auglýsing -

Skólarnir munu halda sínu striki, en ekki hefjast seinna eins og sóttvarnalæknir lagði til í minnisblaði sínu til ráðherra. Willum Þór sagði að ráðherra sem fer með skólamál muni ræða við aðila innan menntakerfisins og skólastjórnendur varðandi fyrirkomulag og næstu skref.

Aðgerðir á landamærunum haldast óbreyttar til 15. janúar.

Aðgerðirnar gilda næstu þrjár vikurnar. „Við þurfum hertari aðgerðir til að hemja þessa fjölgun,“ sagði Katrín Jakobsdóttir um þá stöðu sem nú er uppi.

- Auglýsing -

Aðspurð um afleiðingar hinna langvarandi aðgerða á efnahaginn og þá sér í lagi fyrirtæki í veitingarekstri sagði Katrín að verið væri að undirbúa frekari stuðning til þeirra fyrirtækja. Hún sagði það mál á borði fjármálaráðuneytisins.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -