Hræðilegur atburður náðist á upptöku í Norður-Karólínu í síðasta mánuði en þá var Jonathan Lecompte myrtur af bílaþjófi.
Atvikið átti sér stað í bænum Lumberston en í myndbandi sem hefur farið eins og eldur í sinu um internetið undanfarna daga reynir Lecompte að stöðva mann sem ætlar að ræna dráttarbíl. Báðir mennirnir drógu upp byssu og hófu að skjóta hvorn annan. Þjófurinn komst þó í bílinn og bakkaði hratt í burtu og virtist málið vera að lokið. Þá gaf þjófurinn í og elti Lecompte og keyrði á hann og lést Lecompte í kjölfari.
Lögreglan á svæðinu hefur handtekið og ákært Ricky Driggers fyrir að hafa myrt Lecompte en hann var aðeins 38 ára gamall þegar hann lést.
Hægt er að horfa á myndbandið hér fyrir neðan en það er ekki fyrir viðkvæma.