Hringveginum lokað nærri Akranesi eftir alvarlegt umferðarslys – Þrjú flutt á slysadeild

Hringveginum hefur verið lokað vegna umferðarslyss á veginum en um er að ræða gatnamót Hvalfjarðarvegar og Hringvegar, sem er stutt frá Akranesi.

Vegagerðin segir í tilkynningu að hægt sé að nýta Leirársveitarveg og Svínadalsveg sem hjáleiðir og ekki liggi fyrir hvenær vegurinn verður opnaður á ný.

Að sögn mbl.is er um alvarlegt umferðarslys að ræða en fólksbíll og vöruflutningabíll lentu saman. Þrír einstaklingar hafa verið fluttir á slysadeild en ekki er vitað um líðan þeirra.