Miðvikudagur 29. júní, 2022
9.8 C
Reykjavik

Illugi segir sögu úr Valhöll: „Þú hjólar í útlendingamálið, ferð alveg all in“

Helgarviðtalið

- Auglýsing -

Orðrómur

- Auglýsing -

Illugi Jökulsson, fjölmiðlamaður og hlaðvarpsstjarna, skrifaði spaugilega færslu í dag sem hann kallar Saga úr hvunndagslífinu. Í færslunni gerir hann sér í hugarlund hvers vegna Jón Gunnarsson hafi ákveðið að reka úr landi fjöldi flóttamanna á næstu vikum. Leiða má að því líkum að Illugi hafi verið að grínast með færslu sinni.

Saga úr hvunndagslífinu:

Bjarni Ben var í djúpum skít, fundir á Austurvelli vikulega þar sem afsagnar hans var krafist.
Neyðarfundur í Valhöll. Hvað er hægt að gera til að létta þrýstingi af Bjarna?
„Eigum við ekki að lansera frumvarpinu um brennivín í búðir?“ stakk Áslaug Arna upp á. „Það hefur nú oft gefist vel sem smjörklípa.“
„Nei, það mundi ekki duga,“ sagði Bjarni, „þetta er of langt komið til að jafnvel það dugi. Við þurfum að finna eitthvað öflugra.“
Og Bjarni leit í kringum sig í ráðherraliðinu.
„Jón!“ sagði hann höstuglega. Jón leit snöggt upp. Hann hafði verið í símanum að lesa tölvupósta um fasteignaviðskipti sín í Garðabænum.
„Já, Bjarni?“
„Þú hjólar í útlendingamálið, ferð alveg all in. Burt með allt þetta lið! Allt verður vitlaust og allir gleyma bankamálinu.“
„Ok,“ sagði Jón. „Ég geri það. En mun ekki sú umræða verða erfiðust fyrir vini okkar í VG?“

Ráðherrarnir hlógu hæðnislega, allir sem einn.

Færslan hefur síðasta klukkutímann fengið gríðarlega mikla athygli en yfir 150 manns hefur líkað við hana og fjölmargir tjáð sig undir henni.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -