Framlag Íslands til Eurovision söngvakeppninnar sem fram fer í Malmö, Svíþjóð í maí, heldur áfram að hrapa niður lista helstu veðbanka heims.
Fall Íslands á lista veðbankanna fyrir Eurovision söngvakeppnina, hefur verið hátt, frá því að líklegt þótti að Palestínumaðurinn Bashar Murad færi í keppnina fyrir hönd Íslands. Þegar fyrst kom í ljós að Murad yrði í Söngvakeppni sjónvarpsins rauk Ísland upp í fyrsta sæti á lista helstu veðbanka heims. Þegar úrslitadagurinn rann upp var Bashar í þriðja sæti listans en þegar ljóst var að Hera Björk Þórhallsdóttir myndi keppa fyrir hönd Íslands með lagið Scared of heights, tók Ísland að hrapa niður listann. Þann. 6 mars var Ísland númer 14 á lista veðbankanna en nú, 15. mars, er Hera komin niður í 19. sæti listans.
Ísland keppir í fyrri undankeppninni í Malmö ásamt 14 öðrum löndum. Af þeim komast 10 áfram en þar sem níu þeirra sem keppa í fyrri undankeppninni eru neðar en Hera á lista veðbankanna, á hún enn góðan möguleika á að komast í úrslitakeppnina þann 11. maí næstkomandi.