„Ég veit bara dæmi um það að fjölskylda mín og vinir hafi orðið fyrir aðskasti, gert athugasemd við það að þau umgangist mig,“ segir Iva Marín Adrichem í samtali við Frosta Logason. Iva greindi frá því í dag að hún hafi verið klippt úr auglýsingaherferð Ferðamálastofu, Gott aðgengi í ferðaþjónustu. Ástæðan sé sú að athugasemdir höfðu borist ÖÍ og Sjálfsbjörg vegna opinberra skoðana hennar gegn transfólki sem hún segist ekki kannast við. Telur Ivu að með þessu hafi verið brotið á henni og mun hún því leita réttar síns.
Iva segir svona lagað ekki vera einsdæmi. Móðir hennar var rekin fyrir það eitt að líka við grein á Facebook síðu ónefndra samtaka, sem Iva skrifaði. „Mamma mín missti starf því hún lækaði grein sem ég skrifaði og neitaði að biðjast afsökunar á því, hún var að starfa fyrir pirata. var í fjögur ár. Þá stofnaði ég heimasíðu ákveðna samtaka sem ég er búin að draga mig úr. Grein sem heitir „er ég hinsegin.““
Iva segist hafa orðið fyrir aðkasti og ofbeldi vegna opinberra skoðana sinna, hún þoli það sjálf en hræðilegt sé þegar fjökskylda hennar og nánasta fólk verði fyrir aðkasti vegna hennar skoðana. „Virkilega, hræðilega erfitt. Ég get ábyrgst mín mál en þegar fjölskylda mín og mitt nánasta fólk er farið að lenda í ómálefnalegu ofbeldi sem eiginlega miðar að því að kúga mig og þagga niður í mér. Maður sér eftir að hafa tjáð sig um þessi málefni á sínum tíma. Það er ástæða þess að ég er hér í dag. ég ætla að skila skömminni.“
Iva talar einnig um að aðalgerandi sinn sé hávær í umræðu um hatursorðræðu. „Einn af mínum aðalgerendum hafa sig hvað mest frammi varðandi umræðuna sem er í gangi um hatursorðræðu. Ég þurfti að slökkva á sjónvarpinu um daginn. Þetta er þjóðþekktur einstaklingur með mikil völd í samfélaginu.“