Laugardagur 15. júní, 2024
10.8 C
Reykjavik

Jói Fel rak Guðnýju Maríu á dyr: „Eða er bara látið svona við okkur gellurnar?“

VefTv

- Auglýsing -

Hlaðvörp

- Auglýsing -

Söngkonan síkáta, Guðný María Arnþórsdóttir segir farir sínar ósléttar þegar hún fór út að borða á nýja veitingastað Jóa Fel, Felino.

Guðný María skrifaði færslu á Facebook sem vakti mikla athygli og fjörmargir hafa brugðist við henni. Segist Guðný María hafa farið út að borða með tveimur vinkonum en að þær hafi ekki verið búnar að borða allan matinn er Jói Fel vatt sér að þeim og bað þær um að yfirgefa staðinn svo aðrir kúnnar komist að. Hér fyrir neðan er færsla Guðnýjar Maríu.

„ég fór út að borða í kvöld með tveimur vinkonum. Við vorum ekki búnar af diskunum er Jói Fel kom og bað okkur um að yfirgefa staðinn vegna annarra kúnna. Við vorum ekki einu sinni farnar að hugsa um, hvort við ætluðum að fá okkur eftirrétt.

Eru þetta nýjir afgreiðsluhættir á fínum veitingahúsum eftir covid, eða er bara látið svona við okkur gellurnar ?

Hefur þú lent í þessu ?“

Í samtali við Mannlíf vildi Guðný María bæta því við að maturinn hafi verið hálf kaldur að auki. Sagði hún að fólkið á næsta borði hefði verið búið að sitja lengur en þær, þess vegna hafi það komið þeim á óvart að þeim hafi verið gert að fara. „Að vísu voru karlmenn á þeim borðum en ekki hjá okkur. Ef það var málið.“

Mannlíf talaði við starfsmann Felino sem kannaðist ekki við málið en sagði að þegar fólk pantar borð, hefur það borðið í tvær klukkustundir „og ef að borðið er bókað eftir þau, þá tölum við bara við þau og yfirleitt er ekki kvartað yfir því.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -