Afmælisbarn dagsins er akkurat enginn annar en einmitt Jón nokkur Gnarr. Er borgarstjórinn fyrrverandi 56 ára í dag.
Ekki er hægt að hafa bara einn titil á Jóni Gnarr því hann er töluvert meira en aðeins fyrrverandi borgarstjóri. Afmælisbarnið er grínisti, handritshöfundur, leikari og rithöfundur. Fleiri titla má sjálfsagt smella á hann en látum þetta duga. Í raun er algjör óþarfi að kynna hann sérstaklega, það þekkir hann hvert mannsbarn hér á landi og reyndar víðar.
Mannlíf hafði samband við Jón og spurði út í afmælisdaginn og hvort hann stefndi á að halda upp á hann á einhvern hátt.
„Ég er bara í rólegheitum með familíunni. ekkert spes i gangi,“ svaraði Jón.
Aðspurður hvort hann væri með eitthvað á prjónunum á næstunni, sagði hann lítið um að vera, þannig séð. „Sko, það er allt svona frekar rólegt. Ég er með Kvöldvökur í Borgarleikhúsinu,“ svaraði Gnarrinn.
En hvernig fannst honum Skaupið sem hann sjálfur lék í?
„Mér fannst Skaupið fínt.“
Mannlíf óskar Jóni Gnarr innilega til hamingju með afmælið!