Júlí biður foreldra sína fyrirgefningar: „Tengir við brotna sjálfsmynd og áhrif eineltis úr æsku“

Tón­list­ar­mað­ur­inn Júlí Heiðar var að gefa frá sér lagið Brenndur, sem fylgir á eftir hinu gíf­ur­lega vin­sæla ást­ar­lagi Ástin heldur vöku. Júlí frum­flutti lagið í gær í beinni hjá Gústa B í útvarps­þætt­inum Veisla á FM957.

Varð fyrir miklu einelti í grunnskóla

„Lagið Brenndur er sprottið út frá minni reynslu og þá sér­stak­lega minni æsku.

Lagið fjallar um upp­lifun mína af ein­elti þegar ég var barn og sam­skipti mín við mína nán­ustu fjöl­skyldu og vini þegar ég er um tví­tugt,“ segir Júlí Heiðar í sam­tali við Vísir.

Hann seg­ist hafa átt virki­lega góða æsku, upp­eldi og for­eldra og fyrir vikið taldi hann sig hafa verið nokkuð sterkan ein­stak­ling. Hins vegar átti hann ekki auð­velda skóla­göngu.

„Ég varð fyrir miklu ein­elti í grunn­skóla og þegar maður verður fyrir ítrek­uðu aðkasti þá er það bara þannig að það fara að mynd­ast sprungur sem erfitt er að fylla upp í án aðstoðar, þá sér­stak­lega þegar maður er ungur.“

Brotin sjálfsmynd úr æsku

Í þessu lagi lítur Júlí til baka og fer yfir far­inn veg. „Mín mesta eft­ir­sjá snýr klár­lega að því hvernig ég kom fram við for­eldra mína og systk­ini þegar ég var um tví­tugt. Á þessum tíma frá 19 ára til 23 ára hefði ég farið út af spor­inu sem ég tengi aðeins við brotna sjálfs­mynd og áhrif ein­eltis úr minni æsku. Þetta hafði mikil áhrif á fjöl­skyld­una mína en það er eitt­hvað sem ég gat ekki skilið fyrr en ég varð for­eldri sjálfur.

Svo lagið er ein­hvers­konar afsök­un­ar­beiðni til þeirra og vitnar í þá sjálfs­vinnu sem ég hef þurft að fara í vegna brot­innar sjálfs­myndar frá æsku.“

Skannar ævi sína sem spannar þó ekki nema 31 ár

Júlí segir að sjálfs­vinnan hafi skilað honum betri líðan. „Í dag hef ég unnið að miklu leyti úr ein­elt­inu og tel mig vera á góðum stað í líf­inu, ham­ingju­samur, góður faðir og í frá­bæru sam­bandi. Það er ákveðið ferða­lag að skanna ævi sína, sem spannar þó ekki nema 31 ár, skoða hvaðan maður kemur, hvert maður fór, hvar maður er og hvert maður stefnir í líf­inu.

Mér finnst gott að skrifa um þessa hluti og er það mín leið til að skilja mig betur og þroskast.“

HÉR er hægt að lesa fal­legt við­tal við Júlí Heiðar tón­list­ar­mann í heild sinni.