Katrín náði lágmarkinu á klukkutíma: „Enn er samt tækifæri til að mæla með“

Katrín Jakobsdóttir er búin að ná lágmarks fjölda meðmælenda þannig að hún er orðin gjaldgengur forsetaframbjóðandi.

Aðeins tók það Katrínu Jakobsdóttur, fyrrverandi forsætisráðherra klukkustund að ná lágmarksfjölda meðmælenda fyrir forsetaframboð hennar en hún opnaði fyrir meðmælunum á island.is klukkan 13:00 í dag. Klukkan 14:00 var lágmarkinu náð. Tilkynnti Katrín þetta í story á Instagram með orðunum: „Lágmarkinu náð! Enn er samt tækifæri til að mæla með.“