Lenya Rún Taha Karim, varaþingmaður Pírata segir frá því á Twitter síðu sinni hvernig hápunktur kvöldsins hennar hafi verið þegar afgreiðslumaður, á veitingastaðnum Mandí, hafi kallað hana kúrdíska hóru á arabísku, ómeðvitaður um að hún skildi tungumálið.
„Hápunkturinn minn á djamminu í kvöld var þegar afgreiðslugæinn á Mandí kallaði mig “kúrdíska hóru” á arabísku(hann vissi ekki ég skildi arabísku)“
Lenya Rún segir frá því hvernig hún hafi ákveðið að mæta manninum með kærleika og brosi í stað þess að svara honum fullum hálsi. Hún útskýrir að ástæða uppnefningarinnar hafi verið að Lenya Rún hafi talað við karlmenn fyrir framan afgreiðslumanninn án þess að vera gift þeim. Segir hún afgreiðslumanninum hafa þótt það til skammar.
Að endingu beinir Lenya Rún spjótum sínum að afgreiðslumanninum sjálfum og bendir á að það eina sem væri til skammar sé tilætlunarsemi hans um að hún hagi sér eins og Arabi eða Kúrdi þrátt fyrir að vera fædd og uppalin á Íslandi.
Hér að neðan má sjá færslur Lenyu Rúnar:
hápunkturinn minn á djamminu í kvöld var þegar afgreiðslugæjinn á mandí kallaði mig “kúrdíska hóru” á arabísku 💞💞💞💞 (hann vissi ekki ég skildi arabísku)
— Lenya Rún (@Lenyarun) April 23, 2023
var næstum því búin að svara honum en ákvað að sýna kærleik og brosa til hans því það er nú ✨eid✨
— Lenya Rún (@Lenyarun) April 23, 2023
hvers vegna kallaði hann mig hóru? jú það var því ég hef talað við karlmenn fyrir framan hann án þess að vera gift þeim og honum fannst það “til skammar”
eina sem er til skammar er tilætlunarsemin um að ég hagi mér eins og arabi/kúrdi jafnvel þó eg fæddist hér og ólst upp hér
— Lenya Rún (@Lenyarun) April 23, 2023