- Auglýsing -
Samkvæmt upplýsingum frá lögreglunni á Suðurnesjum hefur ekki enn verið borið kennsl á líkið sem fannst í fjörum Njarðvíkur í gær. Hinn látni er karlmaður og talið líklegt að hann sé á fimmtugsaldri. Ekki er talið að líkið hafi verið lengi í sjónum.
Mannlíf greindi frá því í gær að um hádegisbilið hafi lík fundist í fjörunni við Fitjabraut í Njarðvík. Lögreglan á Suðurnesjum sendi frá sér tilkynningu um málið. Ekkert var látið uppi um að hvort grunur sé uppi um að eitthvað saknæmt hafi átt sér stað.